Streymoy er størsta oyggj í Føroyum. Her búgva uml. 22.000 fólk. Her er høvuðsstaður okkara, Tórshavn, sum í dag í vídd fevnir um næstan helvtina af oynni og oyggjarnar Hestur, Koltur og Nólsoy. Miðdepil Føroya liggur í Tórshavnar kommunu.

Tórshavn, Havnin, hevur nógv at bjóða teimum vitjandi. Her er søga, mentan, natúr og býarlív. Men Streymoyggin er ikki bert Tórshavn, her eru størri og smærri bygdir, firðir, sund, dalar og høg fjøll og her eru áirnar. Sambandið er gott allastaðni, tað ber til at fara úr Havn til eitthvørt pláss í Føroyum og koma aftur sama dag.

Gistingarmøguleikarnir er sera góðir í Havnini, og eisini uttanfyri høvuðstaðin ber til at gista í ból og biti, summarhúsi, bygdarhúsi og gistingarhúsi. Tjaldingarpláss við plássi fyri tjøld og búvognum er eisini. Havnin hevur nógv góð matstøð og úrvalið spennir frá gourmetmatstovu til kaffistovur. Í Vestmanna er ein matstova og kaffistovur í Nólsoy, Vestmanna og Tjørnuvík.

Við hesari heimasíðu bjóðar Kunningarstovan teimum vitjandi at kunna seg nærri um alt, oyggin hevur at bjóða.