Ferðavinnustevnan 2025

Ferðavinnustevnan verður skipað við ráðstevnu seinnapartin og síðani veitsluhaldi um kvøldið, tá ið ársins heiðursbrøv eisini vera handað. Ráðstevnan byrjar kl. 15.30 og heldur fram til kl. 18:10, tá ið veitsluhaldið byrjar.

Lagt verður upp til ein kveikjandi, áhugaverdan og stuttligan dag, har vit seta føroysku ferðavinnuna í fokus og hátíðarhalda ferðavinnuárið 2025.

Tað er Ferðavinnufelagið, sum skipar fyri Ferðavinnustevnuni. Endamálið er at savna ferðavinnuna til hátíðarhald, íblástur og óformliga samveru. 

Hvat er á skránni?

• Julie Lindegaard: I filmens fodspor – erfaringer og 
  faldgruber i arbejdet med filmturisme.
  Julie Lindegaard hevur arbeitt við ferðavinnu í fleiri ár. Hon hevur bæði undirvíst í strategi og hildið fyrilestrar fyri ferðavinnuaktørum. Eisini hevur hon drúgvar royndir í filmsferðavinnuni og hevur sjálv verið verkætlanarleiðari í verkætlanini “Juleøen Fyn – en fynsk turismesatsning”.

• Sóley Heradóttir Hammer: Samstarv og nýskapan: Tiltøk,sum menna ferðavinnuna.
  Sóley er leiðari í Hugskotinum, og ein av mongu uppgávunum hjá henni er at skipa fyri tiltøkum. Millum tiltøkini, hon stendur fyri, kunnu nevnast Nýskapan í Ferðavinnuni og Tonik.
  Á Ferðavinnustevnuni fer hon at greiða frá, hvussu Hugskotið arbeiðir við at menna ferðavinnuna, og hvussu samstarv er eitt lykilorð í hesum sambandi.
• Eydna Skaale: Retorikkur sum eitt amboð.
  Eydna er lærdur retorikari og hevur fingið heiðurin sum “Award winning speechwriter”. Sum retorikkari er Eydna serfrøðingur í málrættaðum samskifti. Hvussu eydnast tað at samskifta sín boðskap til ein ávísan bólk? Kann retorikkur ávirka eina uppliving hjá gestum?
  Eydna fer at greiða frá, hvønn týdning retorikkur kann hava, og hvussu tað ber til at røkka einum góðum sambandi millum veitara og gestir í ferðavinnuhøpi. 

Vís á Tímin.fo