Hitt Jannicke Mikkelsen, fyrsta rúmdarfara úr Noregi (NO)

Høli: Høllin
Longd: 60 min.

Hvussu er tað at verða skotin út í rúmdina við rúmdarrakett og síggja okkara jarðarklótu langt burturfrá, sveimandi úti í myrkrinum?

Jannicke Mikkelsen hevur avrikað nakað, sum tey flestu bara kunnu droyma um. Hon hevur staðið á odda fyri einari søguligari rúmdarferð sum skipari á Fram2-rúmdarferðini.

Hon hevur ferðast í ringrás um jørðina meira enn 50 ferðir og hugt niður á heimlandið Noreg langt uppifrá – sum fyrsti kvinnuligi norski ríkisborgari í rúmdini.

Hetta kvøldið fer hon at siga frá serstøku søguni um leiðina til rúmdina, um dreymar, sum krevja dirvi – og um at tora at hugsa stórt og spreingja tey mørk, vit halda vera til.

Hon kveikir hugin hjá tær og bjóðar tær av at síggja heimin við nýggjum eygum!

Umframt at vera rúmdarfari, er Jannicke virðisløntur filmsframleiðari. Hon hevur samstarvað við m.a. NASA, Netflix, Paramount Pictures, BBC – og mentanarikon sum rokkbólkin Queen, Buzz Aldrin, Brian May og Sir David Attenborough. Hon hevur brúkt sína yrkisleið til at dokumentera tað ókenda og víðka sjónarringin – bókstavliga.

Gleð teg til ein heilt serligan fyrilestur, sum gevur bæði ungum og vaksnum íblástur til at hugsa størri og síggja heimin á ein nýggjan hátt. Tú møtir einum ævintýrara, slóðbrótara – og einum persóni, sum hevur sæð okkum øll úr rúmdini.

Fyrilesturin er partur av eini røð av tiltøkum, har Norðurlandahúsið yvir eitt vikuskifti varpar ljós á alheimin. Nærri kunning kemur seinni.