Huldulitt 2026: Huldugonga

Tað sigst at huldufólkini hvurvu við ravmagninum, tá ljós kom á gøturnar, men hvar fóru huldufólkini, og munnu tey enn finnast í teimum støðum, har ljósið ikki røkkur?

Vit bjóða tær at koma við á eina ferð ígjøgnum viðarlundina í myrkri, meðan greitt verður frá ymiskum forniskum sagnarverum og sagnir verða fortaldar. Eisini verður sagt frá ymiskum siðum, sum hava verið tilknýttir teirri gomlu føroysku fólkatrúnni.

Við á ferðini inn ímillum tey bølamyrku trøini, hava vit petroleumslampur, sum koma at lýsa okkum vegin og seta dám á frásagnirnar.

Um tiltakið:

• Hvar: byrjað verður við eldstaðið hjá gulu skótum við skótahúsið
• Longd: túrurin varðar yvir ein tíma
• Vit viðmæla heit og regntøtt klæðir og góðar skógvar
• Aldursmark: 14 ár

Avmarkað pláss

Vís á Tímin.fo