Hviskende varder (FO, DK)

Vit villast í surrealistiskum landskapi og sveima inn í mjørkafyltu himmalhválvu av ljóði.
Varðar eru laðaðir av gróti og standa sum soliterar steinmyndir á kalda einsamalla lendinum.
Teir eru okkara vegvísarar, sum hjálpa okkum at halda leiðina, ígjøgnum veðurbarda landskapið, fyri at vit ikki detta beint í dýpið.
Í túsund ár hava varðarnir leitt okkum vegin, teska í vindinum, sungið í regninum og tutla í kavanum. Vit ganga ikki framvið uttan at leggja stein á, fyri at halda teir príðiligar mong ættarlið fram. Tá ið tað gerst grátt og mjørkin fjalir fjøllini og græsvaksnu gøturnar, sum um tær ongantíð vóru har, eru varðarnir okkara álitið og hjálpir okkum at ferðast í tí ókenda.

Hviskende varder / Teskandi varðar / Whispering Cairns:
Rógvi á Rógvu (FO), percussion, drums, electronics, effects
Kim Kristensen (DK), synthesizers, piano, flutes, electronics, effects