Kærlig hilsen, Hilde (Týskland 2024)

Kærlig hilsen, Hilde (In Liebe, Eure Hilde, Andreas Dresen Týskland 2024 124 min)

Hjá høvuðspersóninum, Hildu, er hetta vakrasta summarið nakrantíð. Hon er djúpt forelskað í Hans, og veit nú, at hon er við barn. Men saman við vinmonnum er Hans partur av antinazistisku mótstøðurrøsluni, sum seinni verður kend undir heitinum Reyða Orkestrið.

Drivin at kærleika til Hans, letur Hilda seg lokka at blíva partur av rørsluni og teirra virksemi. Hon hjálpir við flogseðlum og einum ólógligum sendara at samskifta við onnur mótstøðufólk í økinum. Men tá Gestapo kemur á hennara leið, og hon verður tikin, kámast felags vónin um eina lukkuliga framtíð.

Meðan Hilda frá sær sjálvari bíðar eftir at frætta, um Hans er á lívi, føðir hon ein son í fangahúsinum. Hóast desperatu støðuna, megnar Hilda at vera kærleiksfull um nýfødda sonin.

”In Liebe, Eure Hilde” lýsir á sannførandi hátt ein kapitil í týsku søguni. Og tað er ikki so løgið, tí sonurin sjálvur hevur verið vegleiðari, meðan týski filmurin er gjørdur.

Stjørnan í røðini ”Babylon Berlin”, Liv Lisa Fries, er á meistarligan hátt transformerað til Hilde, har hon leikar móti Johannes Hegemann, sum fyrstu ferð er at síggja á filmi.

Vís á Tímin.fo