TEENS – Spurningar til tannáringar (FO/DK/GL/IS)

Høli: Høllin
Longd: 60 min (eingin steðgur)

Hvussu sær lívið út hjá tannáringum í Norðurlondum? Hvat droyma tey um? Hvørjar stúranir hava tey? Hvat gleðast tey um? Hesir eru spurningarnir, tá ið tríggjar av størstu poppstjørnunum í Norðurlondum, Teitur úr Føroyum, Nive úr Grønlandi og Ólöf Arnalds úr Íslandi, bjóða til konsert í samstarvi við Ensemble MidtVest, sum kemur við fimm strúkarum, einari blásarakvintett og einum pianisti úr Danmark.

Tónleikurin er skrivaður av Teiti, sum í samstarvi við felagsskapir og skúlar í Norðurlondum hevur vent sær til tannáringar við einari røð av spurningum fyri at fáa innlit í heim teirra ungu. Úrslitið av verkætlanini gjørdist TEENS – Spurningar til tannáringar, ein røð av sangum, skrivaðir við íblástri úr svarunum, tey ungu komu við, til danska Ensemble MidtVest og tríggjar sangarar.

Gleð teg til at hoyra 21 sangir um kærleika, familju, samfelag, okkara jørð og alt tað, sum tannáringar í dag síggja sum tað týdningarmesta í teirra lívi.