Verkstova við Hedestrik – Tøv tín egna vest

Á skeiðinum fært tú innlit í arbeiðið við ráull og lærir um hvussu ull verður virkað og fyrireikað, at tøva vøttir og arbeiða við tøving, at gera mynstur og snið, at sniðgeva tín egna vest.
Tú kanst skapa ein vest, sum passar júst til tín stíl, kanska við hettu, sum kann sveipast um teg, við krúllutum detaljum ella rútamynstri.
Vit byrja við at gera eitt mynstur til vestin. Síðani arbeiða vit við at kara og leggja ullina upp, og at enda verður vesturin tøvdur.
Alt tilfar er íroknað prísinum.

Um Hedestrik
Høvuðsendamálið hjá Hedestrik er at gagnnýta og varpa ljós á ullina, sum ofta liggur eftir sum avlop og verður burturbeind. Á skeiðinum tosa vit eisini um góðskuna í ullini og um, hvussu ull kann vera ein partur av loysnini upp á ta kreppu, sum klædnaídnaðurin stendur í.
Vit arbeiða við staðbundnari ull, ráullabinding (dogmubinding) og fríbinding sum eitt alternativ til tann handilsliga tógv og bindingarheimin. Okkara ynski er at miðla vitan um ullahandverk, siðvenju og burðardygd gjøgnum verkstovur og skeið.
Vit gleða okkum at hitta tykkum!