Beinir – tríggjar konsertir á Reinsarínum!

Tað hevur altíð verið nakað heilt serligt fyri Beinir at spæla sínar sangir í reinasta formi á gittara og klaveri – júst sum hann hevur komponerað teir.

Komandi mánaðirnar fer Beinir at geva nýggjan tónleik út – bæði einsamallur og við føroyska bólkinum Tøgn, sum hann er partur av.

Tøgn hevur júst vunnið ársins útvarpshitt og áhoyraravirðislønina á FMA fyri fyrsta staklagið “Kamarið”.

Heildarútgávan hjá Beinir “Greener”, sum kom út í 2024 fekk eisini sera góða móttøku. Heitislagið “Greener” og “Call Me a Dreamer” vóru á Top-10-listanum í donskum radio, og í fjør fekk Beinir tvær FMA-virðislønir – ársins lag fyri “Romeo” og áhoyraravirðislønina.

Eisini hevur Beinir framført í donskum sjónvarpi; millum annað í Vild Med Dans og á DR’s Store Juleshow.

Vís á Tímin.fo