Út í stórbæru náttúruna

Tá ið man býr í Føroyum, kann man gloyma, hvussu vakurt her er. Men spyrt tú ferðafólk, hvat dró tey henda veg, so er svarið helst tað sama: náttúran. Og tað er ikki løgið. Finst nakað betur enn frískligur gongutúr í føroysku náttúruni? Rossagøtan við Hotel Føroyar er ein lokalur favorittur. Inni í býnum eru eisini nógvar gøtur í at velja: Boðanes, Hoydalar, Svartifossur. Her er okkurt til allar aldursbólkar og allar typur.