Stutthol

Stutthol er nýggj kafé og barr, sum liggur sera væl fyri undir Eiðinum við munnan á Nólsoyarbygd. Við denti løgdum á burðardyggum vørum borðreiðir kaféin við løttum rættum, heimagjørdum køkum, góðum kaffi, smuti o.ø.

Tað eru Nicolaj og Svein, ið eiga fyritøkuna Snittar, sum, saman við makum sínum, hava tikið stig til nýggju kaféina í Nólsoy. Stutthol er gamalt sethús, ið oldurabbi teirra bygdi til systrina í 1890, og sum nú er umvælt. Ætlanin er at varveita so nógv av upprunahúsinum sum til ber.