Varðin – eitt tíðarrit fyri list og mentan

Høli: Skálin
Longd: 45 min

Vit hátíðarhalda, at Varðin 93 er komin, og at hann aftur í ár er á tremur við spennandi tilfari. 

Varðin umboðar í stóran mun tað fjølbroytni, sum vit síggja á føroyska mentanarpallinum, og tað er júst hetta fjølbroytni, sum vit ynskja at endurspegla á útgávutiltakinum.

Tí verður høvi at hoyra brot úr nøkrum av ymisku tekstasløgunum, sum eru at finna í Varðanum í ár.

Sissal Kampmann lesur eina yrking upp, Erling Isholm lesur brot úr grein um eina handilskvinnu fyrst í 1800-talinum, Ann Ellefsen fer at lesa úr sínum ummæli av nýggju skaldsøguni fru s, og Svanna Jákupsdóttir fer at lesa sína stuttsøgu upp.

Ritstjórn: Marna Jacobsen og Sanna M. Klein.

Fyriskipari: Varðin