Nei, túrar við søguligum innihaldi verða eisini gjørdir inni í Havnini. Eisini vitja vit virkir, stovnar, kirkjur o.a.t. har vit fáa rundvísing við frágreiðing um teirra virksemi.

Felagið tekur sær ongan kostnað, tí hetta er eitt ókeypis tilboð til limirnar, men til túrar uttan fyri Havnina, er neyðugt við bussi og/ella ferju. Kostnaðurin, sum lýst verður við, er bert fyri at svara fyri ta útreiðsluna. Tilmeldingin hevur samband við, at bert limir kunnu tekna seg, og hvussu nógv pláss, bussurin má hava. Gev gætur, at av tí at hetta er eitt felag, ið ger útferðir, og túrarnir sostatt ikki eru ein søluvøra, er øll luttøka fyri luttakarans egnu ábyrgd.

Fyri at kunna tekna seg til túrarnar, mást tú gerast limur í Felagnum Tórshavn. Tá ið tú hevur limað teg inn, fært tú kunning um komandi túrar við telduposti áðrenn hvønn túr. Ársgjaldið er 340,- kr, og er tá galdandi fyri alt títt húskið.

Nógvir gongutúrar eru sunnudag, men túrar verða eisini gjørdir leygardagar, og um summarið eru kvøldartúrar mitt í viku. 

Dagfestingarnar verða ásettar so hvørt.

Limirnir hittast hvørt ár í november til ein kaffifund, har vit meta um farna árið, og taka ímóti uppskot frá limunum. Skráin verður síðani í stóran mun løgd eftir hesum. Vanliga lata vit trý ár ganga, áðrenn vit aftur fara sama túr. Roynt verður at blanda torleikastig og longd á túrunum, soleiðis at okkurt er fyri øll.

At kalla eingir túrar vera avlýstir. Viðrar ikki, har vit ætlaðu okkum, ganga vit onkran annan túr.

Gongufelagið er ein solidariskur felagsskapur, har ið øll gjalda tað sama fyri at vit kunnu leiga buss. Orsøkin til at vit ofta velja at leiga buss eru fleiri: Veðrið ger ofta at vit mugu fara ein annan túr, enn tann vit ætlaðu og  vit skulu ofta heintast eitt annað stað, enn har vit byrjaðu. Tá er lættast um vit øll eru í bussi.

Børn ið eru undir 14 ár gjalda ikki fyri at koma við bussinum.