Inger Smærup Sørensen (DK)

Høli: Høllin
Longd: 45 min.

Inger Smærup Sørensen vitjar aftur í Føroyum, og hesa ferð er tað við nýggju skaldsøgu síni, fru s. Søgan er um eina kvinnu, ið hevur fyrireikað seg til sín aldurdóm, og nú rekst millum tankar og minni um ungdóm, móðurskap, kærleika, skomm og fløðandi vatnstøður.

Samrøðan er við kenda danska ummælaran, Lars Bukdahl. Hann, sum í sínum egna glógvandi ummæli av fru s í einari septemburútgávu av Weekendavisen spyr seg sjálvan, nær tað seinast hevur verið talan um skaldskap, ið tekur seg upp úr einum so sannførandi grundarlagi, sum fru s megnar. 

Áhoyrarar kunnu gleða seg til eina spennandi samrøðu millum ein viðurkendan rithøvund og ein ummælara, ið hevur virðing fyri hennara arbeiði.

fru s er onnur skaldsøga hennara. Í 2024 gav Inger Smærup Sørensen út fyrstu skaldsøguna, Dødsbo. Útgávan varð skírd at vera ein sermerkt og viðkomandi skaldsøga, sum hon vann Munch-Christensens Debutantpris fyri og var í uppskoti til Bogforums Debutantpris.

Fyriskipari: Norðurlandahúsið í Føroyum

Vís á Tímin.fo