Like A Roling Stone

21. februar verður Dansifrøi karmur um eina konsert við klassikarum, orku og ósviknum Rock’n’Roll-anda. Vit taka teg við á eina ferð gjøgnum óteljandi hittini hjá The Rolling Stones.

At syngja og leiða okkum gjøgnum konsertina, hava vit fingið tveir kendar Rolling Stones elskarar, Hans Ravnsfjall og Signar í Homrum, sum fara at seta teirra heilt serliga dám á hesar ikonisku sangir.

Afturat sær hava teir ein væl samanskrúvaðan bólk, mannaður við Henning Hjalt Nicodemussen, Eyðun Johannesen, Jóhan Ziskason, Bernhard Højgaard Petersen og Lailu Carlsen.

Hetta er kvøldið fyri allar Stones-fjepparar og øll, sum elska góðan, orkumiklan tónleik.

Hetta verður ein uppliving, tú ikki vilt missa.

Vit gleða okkum at síggja teg!

Vís á Tímin.fo