Okkara Land 2025

»Hví droymir tú heldur um fjarskotin lond enn at síggja tað vakra, sum er í nánd?«. Somuleiðis meina vit, at vit ikki noyðast at leita fjart fyri at finna góðan tónleik, sum vit kunnu njóta og syngja við til.

Ætlanin handan Okkara Land er at hava eitt føroyskt tónleikatiltak bara til tey vaksnu. Vit saknaðu eitt tiltak, sum var meira stílað teimum vaksnu, sum elska at syngja við til øll tey góðu løgini, sum okkara fantastisku føroysku tónleikarir hava smíðað gjøgnum árini.

Festivalurin er frá kl. 19.00-04.00.

Tað er tískilt strangt 18 ára aldursmark. 

Okkara Land fer at hýsa teimum allarbestu tónleikanøvnum, sum fara at framføra øll tey góðu løgini, sum vit elska at syngja við til.

Vit vóna, at tit møta fjølment upp og verða við til at gera dagin ógloymandi saman við okkum.

Samstundis, sum vit fara at hava eitt fantastiska gott kvøld saman, so stuðla vit eisini Barnabata fyri at hjálpa neyðstøddum børnum og barnafamiljum í Føroyum.