Røddin á Hind Rajab (Kaouther Ben Hania Tunis 2025 89 min)

Tá telefonin hjá sjálvbodnum í neyðhjálparfelagsskapinum, Reyða Hálvmána, ringir og neyðstadda seks ára gamla Hind, sum er í hinum endanum, eydnast at greiða frá, at hon liggur undir bilinum, sum IDF-hermenn skjóta eftir í Gasa, byrjar ein kapprenning við tíðina.

Hjálparfólkini royna av øllum alvi at fáa ein sjúkrabil til gentuna, innan ov seint er.

Filmurin, ið hevur skakað allan heimin, byggir á veruligu telefonsamrøðuna við Hind Rajab, sum vardi 70 minuttir, meðan fólkini frá Reyða Hálvmána eru sjónleikarar.

Tunesiski filmurin vann áskoðaravirðislønina á altjóða filmstevnuni í San Sebastián.

Í seks stjørnaðum ummæli sigur danski ummælarin hjá Soundvenue: “Vi sad cirka 1.400 mennesker og græd fra start til slut. Man hverken kan, vil eller må glemme filmatiseringen af seksårige Hind Rajabs tragiske nødopkald. En film, som man ville ønske aldrig havde haft grund til at eksistere, men som jeg aldrig har lyst til at give slip på igen.”

Eins nógvar stjørnur gav ummælarin hjá danska filmstíðarritinum Ekko: “Kaouther Ben Hanias skildring af en lille piges skæbne i Gaza er et dramadokumentarisk mesterværk båret af vrede, viljestyrke og et enestående fortælletalent.”

Filmurin verður sýndur í upprunaversjón við donskum undirteksti.

Vís á Tímin.fo