Villu Veski og Kristian Blak

Villu hevur spælt regluliga í Føroyum síðani tá. Hann framførir á fleiri Yggdrasil plátum og hevur luttikið á nógvum konsertferðum í USA, Evropa, Norðurlondum og Sibiria. Kristian Blak er føroyskur tónasmiður og fjølbroytta tónleikaliga bakgrundin hjá Kristiani sæst aftur í tí breiða úrvalinum av tónleiki, hann skrivar, sum sameinir etniskan tónleik við nýggjum kompositiónsháttum. Kristian hevur yrkt soloinstrumentalverk, kamartónleik, jazzsvitur, kórverk umframt symfoniskan tónleik. Hann hevur gjørt nógvar upptøkur sum tónleikari, og Kristian hevur eisini ferðast víða um knøttin við egnum jazz- og fólkatónleikabólkum.