Norðradalur

Sara e Ale / Visitfaroeislands.com

Oyggjarvegurin – Norðradalur

Oman í dalin

Leitar tú eftir einum túri við kensluni av at vera mitt úti í ongum – og í súkklufrástøðu frá Havn – so er ein súkklutúrur til Norðradals júst fyri teg.

Túrin sjálvur er líka minnisverdur sum málið. Eftir nakrar javnar brekkur fært tú útsýnið yvir Norðradalsskarð og hareftir bygdina Norðradalur.

Súkkluleið

Túrurin byrjar í Havn og gongur vestureftir gjøgnum smáar býlingar og upp í fjøllini. Útsýnið víðkar so hvørt, sum tú nærkast Norðradalsskarði. Har sæst Koltur, um veðrið er gott. Síðani gongur leiðin lætt omaneftir til Norðradals.

Ein still og vøkur leið við lítlari ferðslu, og eini góðari blanding at mót- og undanbrekku.

Hæddarpunkt á túrinum til Norðradals:

Norðradalsskarð

Í tí høgtliggjandi Norðradalsskarðið ber til at fáa nøkur av undurfagrastu útsýnunum í Føroyum.

Í Norðradali búgva einans 10 fólk. Tá ið tú sneiðar av inn í Norðradal, kemur snirkluti vegurin niður til bygdina undan, við Koltri í bakgrundini.

Tað ber eisini til at ganga úr Tórshavn til Norðradals.

Kaldbaksbotn

Á leiðini á Oyggjarvegnum sær tú vakra Kaldbaksbotn – ein breiður fjørður millum brøtt fjøll, har friðarliga bygdin Kaldbak liggur við sjóvarmálan.

Sornfelli

Súkkla verður framvið einum smalum, brøttum síðuvegi á vinstru hond. Hesin vegur førir upp á tindin á Sornfelli, og er hægstliggjandi vegur í Føroyum.

Hiðani kanst tú, tá ið tað er klárt í veðrinum, fáa bergtakandi útsýni út yvir fleiri av føroysku oyggjunum. Sjálvt í mjørka er tað hugtakandi at síggja høgu fjallatindarnar ígjøgnum tað hvíta.