OTTO studio

Í summarhálvuni, frá juni til og við august, er hugnalig kafé í móttøkuni á Listasavninum. Tað er Annika Dalsgaard, sum stendur fyri kaféini OTTO studio.

OTTO studio borðreiðir við suppu, nýbakaðum bollum, góðum kaffi, køkum og drekkivørum.

Kaféin er opin hvønn dag frá kl. 11-17.

Hevur tú árskort til savnið, fært tú 10 % í avsláttri í kaféini.

—

Við stóru vindeygunum, ið venda út ímóti vøkru viðarlundini, kennist móttøkan á Listasavninum bæði ljós og rúmlig. Móttøkan er miðdepil í húsinum og er hjartað, sum knýtir framsýningarhølini saman.

Í móttøkuni á Listasavninum kanst tú njóta eina hugnaliga løtu áðrenn ella aftaná eina uppliving á savninum. Barnafamiljur kunnu seta seg við barnaborðini at gera ymiskt kreativt saman.

Vit hava eisini eitt úrval av føroyskum tíðindabløðum og listatíðarritum, sum tú kanst blaða í.

Tað er ókeypis Wi-Fi í kaféini.

Vælkomin!