Voxbotn

Hvørt ár verður skipað fyri stóru Voxbotn konsertini í Vágsbotni, har bæði altjóða- og føroyskur tónleikur koyrir frá kl. 15 seinnapart til kl. 3 um morgunin. Á tiltakinum er livandi tónleikur, dansur á keiini, og eitt spæliøki við hoppiborgum til børnini. Grillmatur, ábit og øl eru eisini at fáa.

Nøvn verða lýst so hvørt upp til tiltakið. Fyrsta Voxbotn konsertin var 30. juni 2012, og tá var Medina einasta stóra altjóða navnið. Síðan tá er tiltakið nógv vaksið.

Ímillum teirra, sum hava framført á Voxbotn eru Nephew, Lost Frequencies, Jonas Blue, Thomas Helmig, Martin Jensen, Hanne Boel, Gulddreng, Mads Langer, Otto Knows, Robin Schulz, Sanne Salomonsen, John Martin og Michel Zitron frá Swedish House Mafia, U.D.O., Eagle Eye Cherry, Aura Dione, L.O.C., Return, Starship, Michael Learns To Rock, Medina, Nik & Jay, Legends of Iron Maiden, Carpark North, Bro, Christopher, The Antonelli Orchestra, Týr, Eivør, 200, Swangah, Marius, Byrta, Safir, Páll Finnur Páll, Stanley Samuelsen, Eyðun og Terji, Martin Joensen, Janus W. Mortensen, Kári P., og nógv onnur stór nøvn.

Hvørt ár hevur Voxbotn verið útselt, ofta fleiri mánaðir áðrenn konsertina.