Reinsaríið og Perlan

Reinsaríið

Reinsaríið er heimavøllurin hjá tónleikinum.

Reinsaríið liggur mitt í hjartanum í Havn, og hugnaliga hølið er ótruliga væl egnað til konsertir av øllum slag. Stemningurin á Reinsarínum er eisini deiliga avslappaður og heimligur. Akkurát sum tað skal vera.

…og tað ger tað ikki verri, at aukustikkurin og ljóðið er í einum klassa fyri seg. Við øðrum orðum, so er Reinsaríið skræddaraseymað til tónleik líka frá plektara til hátalara.

Perlan

Perlan er modernaði lítlibeiggin hjá Reinsarínum. Og við árunum hevur Perlan yvirhálað stórabeiggjan, tá talan er um harðari tónleik og nýskapandi tiltøk.

Meðan Reinsaríið er eyka hugnaligt, so hevur Perlan ein ráan stórbýar dám yvir sær. Her er tað heita træið skift út við kalt glas og betong.

Perlan riggar til alt millum himmal og jørð. Einasta avmarkingin er hugflogið. Og ein stórur fyrimunur við Perluni er roykur. Vit tosa ikki um royktan laks ella skinku, men royk á pallinum. Roykur er eitt nemliga eitt must, um tú skalt hava ordiligt konsertljós á pallinum.

Í stuttum verður Perlan mest brúkt til konsertir, men hon riggar minst líka væl til fyrilestrar, verkstovur og marknaðir.

Tórsgøta 3
100 Tórshavn

+298 286671
torsgota@torshavn.fo

www.torsgota.fo

Skrivstovan er opin gerandisdagar millum 08:00 – 16:00