Filmshúsið

Filmshúsið bleiv sett á stovn av Uttanríkis- og Vinnumálaráðnum við høvuðsendamálinum at menna og geva íblástur til tí føroysku filmsvinnuna.

Millum formligu uppgávurnar, sum Filmshúsið skal standa fyri, eru:

– at ráðgeva og leiðbeina føroyskum filmsfólkum,
– at marknaðarføra føroyskan film uttanlands og Føroyar sum filmsland,
-at svara fyrispurningum innlendis og uttanífrá og vera til hjálpar í sambandi við filmsframleiðslur
– at miðla samband millum filmsaktørar,
– at skipa fyri førleikamenning og skeiðum,
– at savna og miðla vitan um film og talgildar visuellar frásagnir, og í samstarvi við filmsumhvørvið, myndugleikar o.o. tryggja, at vitan og førleikar verða gagnnýtt til fulnar.