Nólsoyar Heimavirki

Staðbundi handarbeiði í Heimavirkinum

Nólsoyar heimavirkið varð stovnað í 2007 í samband við, at ferðavinnan í bygdini bleiv endurstovnað við eini kunningarstovu. Felagið leggur dent á varðveitslu av tí gamla Føroyska mentanararvinum, sum knýtir gamlar siðir saman við nýggjan móta.

Alt virksemi í felagnum verður gjørt av sjálvbodnum sálum, ið onkursvegna hava tilknýti til bygdina. Hesi seinastu árini er virksemi nógv økt, soleiðis at tað í dag eru nógvir Nólsoyingar runt alt landið, sum virka alskins lutir, bæði eftir fornum siði og nýmótans ráki.

Vit leggja stóran dent á eitt breitt úrval av dygdargóðum vørum til ein sámiligan prís. Vørur koma í handilin hvørja viku, so tit allatíð hava okkurt nýtt at síggja.

Vælkomin á gátt hjá Heimavirkinum í Nólsoy frá 1. juni til 31. august.