Ovasavnið

Ovasavnið í Nólsoy verður alment latið upp á várið 2025.

Savnið er bygt fyri at lýsa søguna um Ova Joensen sála, ið gjørdi tað megnar bragd í 1986, at rógva einsamallur í Dianu Victoriu úr Nólsoy og til Keypmannahavnar at kyssa havfrúnna á Langelinie.

Á savninu, ið er inspirera av føroyska bátasniðnum stendur Diana Victoria sum miðdepil um søguna, um Ova. Tá tú vitjar Ovasavnið kann tú njóta ein góðan drekkamunn á hugnaligu kaféini, ímeðan tú fær eina heildar uppliving við søgu, ljóð og ljósi.