Huldugonga

Lýsing

Gongutúrur og huldusøgur í myrkri

Tað sigst at huldufólkini hvurvu við ravmagninum, tá ljós kom á gøturnar, men hvar fóru huldufólkini, og munnu tey enn finnast í teimum støðum, har ljósið ikki røkkur?

Vit bjóða tær at koma við á eina ferð ígjøgnum viðarlundina í myrkri, meðan greitt verður frá ymiskum forniskum sagnarverum og sagnir verða fortaldar. Eisini verður sagt frá ymiskum siðum, sum hava verið tilknýttir teirri gomlu føroysku fólkatrúnni.

Við á ferðini inn ímillum tey bølamyrku trøini, hava vit petroleumslampur, sum koma at lýsa okkum vegin og seta dám á frásagnirnar.

Um tiltakið:

Nær: 5. og 7. februar kl. 19:00

Hvar: byrjað verður við eldstaðið hjá gulu skótum við skótahúsið

Longd: túrurin varar yvir ein tíma

Kaffe og te verður bjóðað

Vit viðmæla heit og regntøtt klæðir og góðar skógvar

Language: Faroese

Aldursmark: 14 ár

Avmarkað pláss

Kostnaður: 100 kr