Verkstova við náttúruprent

Lýsing

“Fá minnini at vara…”

Í hesari verkstovuni kemur listakvinnan Edith Mørkøre at bjóða tær inn í hennara atelier, har tú fær møguleikan at gera tíni egnu prent av eini hvørjari blómu, blaði ella plantulív ið tú hevur funnið í náttúruni. Náttúruprent er ein vakur og serstakur háttur at varðveita náttúruna heima hjá tær sjálvari. Alt, ið tú hevur tørv á, er klárt at brúka tá ið tú kemur inn á rúmið – sosum arbeiðstól, prentplátur, blekk, eina endaleysa goymslu av pappíri til royndarprent og 6 ørk av hágóðsku prentpappíri. Verkstovurnar eru hvønn gerandisdag og vara í tveir tímar. Edith Mørkøre vil møta tær á tínum støði, um so at tú er nýbyrjari ella serkønur prentari. Alt tilfarið, ið verður brúkt, er umhvørvisvinarligt og uttan eiturevni. All the materials used are environmentally friendly and non-toxic. Kaffi, te og millummáli er við í prísinum. Klæðini, ið tú verður í, mugu tola at fáa onkran plett, og luttakarar mugu taka sínar egnu blómur og plantur við.

Avsett tíð

2 tímar

Prísur

600,- pr.pers. (minimum 2 persónar, maximum 5) Bólkaavsláttur

• (4 luttakarar-20%) = 2000,-
• (5 luttakarar-30%) = 2400,-

Stað

EdithArt Atelier Ovaragøta 48 kj. 188 Hoyvík