Huldulitt: Kom á gátt hjá Williami Heinesen

Lýsing

Í sambandi við Huldulitt 31. jan-8. feb. letur Williamshús dyrnar upp fyri gestum.

William Heinesen skrivaði søgur, teknaði og klipti verur við íblástri úr gomlum sagnum um huldufólk, trøll og álvar, og komu hesar verur til lívs við hansara myndum og frásøgum.

Randi Kúrberg fer at siga eitt sindur um William Heinesen og um huldu- og trøllaverur hansara. Eisini verður høvi at ganga runt í heiminum hjá Williami Heinesen og kaga inn í skrivismáttuna hjá stjørnuskaldinum undir Varða, sum hann eisini verður nevndur.

Ein túrur í Williamshús tekur á leið 45 min og kostar 125 kr.

Vel ímillum:

Sun. 1. februar kl. 14.00 (ÚTSELT) og kl. 16.00 (á enskum)

Sun. 8. februar kl. 14.00 (á føroyskum) og kl. 16.00 (á enskum)

Atgongumerkini vera send talgilt á upplýsta teldupostin og tískil vera fysisk atgongumerki ikki send.

Tað er avmarkað pláss til hvønn túr. Er ein túrur útseldur, ber til at koma á bíðilista við at senda ein teldupost á torsinfo@torshavn.fo og skriva hvussu nógv fólk tit eru, og um túrurin skal vera á enskum ella føroyskum.